Warning: mysql_connect(): Headers and client library minor version mismatch. Headers:50173 Library:50312 in /var/www/vhosts/fc-olmaliq.uz/httpdocs/includes/DB.php on line 38 «АГМК» Футбол клуби

Ўзбекистон кубоги

Рўзиқул Бердиев: Иккинчи голдан кейин ўйин тақдири ҳал бўлганди

Ўзбекистон Кубоги 1/8 финали доирасида “АГМК” – “Насаф” (2:1) учрашуви ниҳоясига етгач, меҳмонлар бош мураббийи  Рўзиқул Бердиев матбуот анжуманида иштирок этди.

 – Бугун АГМК жамоаси бизга нисбатан яхшироқ ўйнади. Стандарт вазиятлардан унумли фойдаланди. Иккинчи голдан кейин ўйин тақдири ҳал бўлган эди. Албатта охиригача кураш олиб бордик, аммо ҳисобни ўзимизнинг фойдамизга ўзгартира олмадик. Бу ғалаба билан АГМК жамоасини табриклайман.
Кейинги ўйинларда жамоамиздан очиқчасига омад ҳам юз ўгирмоқда. Яхши ўйин намойиш этаяпмиз, лекин гол уришда оқсаяпмиз. Яратилган вазиятлардан фойдаланишда футболчиларимизда совуққонлик етишмаяпти.
Ҳамробековни захирадан туширганимизга сабаб, унда кейинги вақтларда чарчоқ аломатлари кўзга ташланди. Буни ўзи ҳам тасдиқлади. Бобир Абдухолиқов эса биз кутган ўйинни намойиш эта олмаяпти. Жаҳонгир Алиев ўтган “Бухоро” билан бўлган ўйинда яхши ҳаракат қилди. Шунинг учун бугун уни ўйин бошидан майдонга туширдик. 
Кейинги пайтларда жамоамиз ҳақида ҳаддан ошиқ гап-сўзлар кўпайиб кетди. Тарқатилган хабарлар орқали ўйинчиларимизни у ёқдан бу ёққа ўзларича трансфер қилишаяпти. Биз бунга эътибор қаратганимиз йўқ. Булар ҳеч қандай асосга эга эмас. Мураббий сифатида ҳозирги бор эътиборим вазиятдан чиқишга қаратилган. Бу ҳақда кўп бош қотираяпмиз. Шахсан мен ҳақимдаги гап ҳам ҳеч қандай асосга эга эмас. Яна такрор айтаман, биз ҳозир бор эътиборимизни юзага келган вазиятдан чиқиб кетишга қаратганмиз. Бизни клуб билан амалдаги шартномамиз бор, шундай экан оғир вазиятдан чиқиб кетишга масъулмиз. Ўзимнинг ҳам бор фикру-хаёлим ҳозир “Насаф” билан, бунақа миш-мишларга эътибор бераётганим йўқ. Ҳозир ўзимизга керакли ўйинчиларни олиб қолишимиз керак. Тўғри, кимдир жамоамизни тарк этиши мумкин. Бу фақат клуб маблағини тежаш учун амалга оширилиши мумкин. Аммо биз ўзимизга керакли ўйинчиларни олиб қоламиз. Интернет нашрларида чиқаётган хабарлар асоссиз.