Олий лига

"Олмалиқ"қа 10 йил! Рақамлар тилга кирганда

Хабар бериб ўтганимиздек, жамоамиз бу йил олий лигада юбилей 10-мавсумини ўтказди.
Қуйида ҳукмингизга жамоамизнинг ўн йиллик статистикасини бирма-бир тақдим этамиз. Илк маълумотларни жамоанинг ўн йилликдаги умумий натижаларига қаратилади. "Олмалиқ" бу йиллар давомида жами 280 учрашувда майдонга тушди. Шундан 99 ўйинда жамоамиз ғалаба қозонган, 58 баҳсда кучлар тенг келган бўлса, қолган 123 учрашувда устунлик рақиб томонида бўлган. Рақиблар дарвозаси 390 марта ишғол этилган, 423 марта гол уриш рақибга насиб этган. Тўплар орасидаги фарқ -33ни ташкил этмоқда. Жамоамиз уч мавсум (2009, 2013 ва 2015 йиллар) голлар нисбатини + билан якунлаган. 2009 йилда рақиблар дарвозаси 50 марта ишғол этилган. Энг кам гол эса дебют мавсумда қайд этилган. Футболчиларимиз шу мавсумда рақиблари дарвозасига 29 гол киритишган. Гол ўтказиб юбориш бўйича энг ёмон кўрсаткич 2016 йилда қайд этилган - 57та. Бу йилги мавсумда эса жамоамиз ўз тарихида энг кам гол ўтказди - 32та.
"Олмалиқ"нинг ўн йилликдаги натижалари жадвали қуйидагича:
Йил Ўрни Ўйин Ғалаба Дуранг Мағлубият  Урилган
тўплар
Ўтказилган
тўплар
Фарқ Очко
2008 11 30 8 9 13 29 34 -5 33
2009 4 30 15 3 12 50 38 +12 48
2010 11 26 8 5 13 32 41 -9 29
2011 10 26 8 5 13 37 45 -8 29
2012 8 26 9 4 13 39 46 -7 31
2013 5 26 11 7 8 46 43 +3 40
2014 6 26 8 7 11 33 38 -5 31
2015 6 30 12 8 10 53 49 4 44
2016 13 30 8 2 20 40 57 -17 26
2017 7 30 12 8 10 31 32 -1 44
Жами   280 99 58 123 390 423 -33 355